Biblioteca do Souto

No CEIP Manuel Villar Paramá, cada último venres de mes vivimos unha xornada moi especial: o apadriñamento lector. Trátase dunha actividade na que os nenos e nenas maiores, desde 3º ata 6º de primaria, se converten en padriños e madriñas lectoras dos máis pequenos, de infantil a 2º de primaria. A través desta iniciativa, os maiores comparten lecturas cos máis cativos, espertando neles a curiosidade polos libros e o pracer da lectura. Este mes de marzo, a data do noso apadriñamento lector coincidiu co venres 28. O bo tempo acompañounos e decidimos trasladar a actividade ao aire libre, aproveitando o espazo exterior do noso colexio para crear un ambiente aínda máis máxico e acolledor. A escena que se puido ver foi entrañable: pequenos grupos de nenos e nenas, esparexidos polo patio, mergullados en historias cheas de aventuras, emocións e aprendizaxes. Os maiores, con paciencia e agarimo, lían en voz alta, modulando a voz para dar vida aos personaxes, facendo preguntas, explicando pa...

  A  música tradicional galega non se pode entender sen as voces das mulleres . Foron elas, durante séculos, as gardiás das cantigas, das coplas, das melodías que acompañaban o traballo e as celebracións. Cantaban: mentres fiaban mentres amasaban o pan mentres facían a colada no río. Cantaban para: arrullar os fillos para chorar as penas para compartir ledicias.  Pero, malia o seu papel fundamental na transmisión do noso patrimonio musical, as mulleres foron invisibilizadas durante moito tempo. Hoxe, por sorte, esa realidade está a cambiar. A pandeireteiras de Mens na praza da Quintana (Santiago de Compostela) con Manuel Cajaraville, director da agrupación folclórica Aturuxo da Coruña. As cantareiras: a memoria viva da tradición As mulleres foron as grandes protagonistas da música tradicional galega, especialmente a través das cantareiras. Eran elas quen aprendían e transmitían, de xeración en xeración, as coplas que falaban do amor, da emigración, das romarías ou das...

O latexo da tradición Neste 2025, as letras galegas  queren poñer en valor ás pandeireteiras, mulleres que fixeron da pandeireta e da súa voz unha ferramenta de resistencia e de transmisión cultural. O seu ritmo foi a base da nosa música popular e, a través destas lecturas, queremos que o alumnado coñeza a importancia deste patrimonio inmaterial. O 17 de maio é unha data sinalada para toda Galicia: o Día das Letras Galegas, unha xornada para celebrar a nosa lingua e a riqueza cultural que nos define como pobo. Este ano, desde a biblioteca queremos propoñervos unha selección de libros moi especiais que teñen como fío condutor a música, a tradición oral e o orgullo pola nosa identidade. De 3 a 5 anos Coas miñas mans Autor: Pablo Díaz Editorial: Galaxia Un libro musical que propón un xogo didáctico a través das mans. Con ilustracións cheas de cor e letras sinxelas, “Coas miñas mans” é ideal para traballar a psicomotricidade, o ritmo e a expresión corporal nos máis pequenos. A...