Letras Galegas 2024

A Real Academia Galega, en sesión celebrada o 29 de xuño de 2023, acordou dedicarlle o Día das Letras Galegas 2024 a Luísa Villalta Gómez polo súa contribución á cultura de Galicia e á lingua galega.
Naceu na Coruña, o 15 de xullo de 1957. Foi a filla maior dunha familia de clase media; o pai Rafael, profesor mercantil e a nai, María, formada en comercio, trasmitironlle ás súas dúas fillas a afección pola música. súa infancia transcorre entre libros, xogos no parque, debuxos e a observación propia dunha nena esperta e curiosa. Con oito anos, comezou os seus estudos no Conservatorio de Música de Coruña. Dezaoito anos despois gradúase como titulada superior de violino.
Logo, estuda Filoloxía na Universidade de Santiago de Compostela, e pasará a exercer como profesora de Lingua e Literatura Galegas.
Luísa Villalta escribiu obras de diversos xéneros: narrativa, poesía e teatro. E non só iso, senon que colaborou con diversas revistas e asociacións a prol da lingua galega. A primeira obra desta autora trátase dunha peza teatral chamada “Concerto para un home só”. Outras obras coñecidas son “As chaves do tempo” (de narrativa) ou “En concreto” (de poesía). Nelas trata temas como a natureza, a identidade ou a memoria. Finalmente falece o 6 de marzo de 2004, a causa dunha meninxite.
Estes son algúns dos libros máis axeitados para o público máis pequeno.

LUISA VILLALTA: SEMPRE INFINITA por Eva Mejuto

Unha nova entrega da nosa colección MIUDIÑAS dedicada, nesta ocasión, a LUÍSA VILLALTA, homenaxeada este ano 2024 no día das Letras Galegas. A colección MIUDIÑAS conta, en palabras e imaxes, a vida de artistas senlleiras da nosa cultura. “Sempre Infinita” é un álbum poético, un petisco da vida e obra de Luísa Villalta, narrada con palabras e imaxes desde as ondas do mar.

«Tinta do mar. Pequena biografía de Luísa Villalta» POLO CORREO DO VENTO, Lela Edicións

Ilustrada por Tania Solla na serie «Mulleres galegas», de Polo Correo do Vento, viu a luz o ano pasado o que foi a primeira achega en forma de publicación sobre Villalta tras a decisión da RAG de homenaxeala co Día das Letras Galegas. Orientada cara a un lectorado novo presenta os trazos biográficos básicos da poeta e amosa a súa dimensión creativa onde cobran relevancia a música, a literatura e a actitude reivindicativa como elementos indisociables na configuración da súa memoria.

«Alma de violino» BEATRIZ MACEDA / ELI RÍOS, Editorial Xerais

Acértase, ao meu ver, tanto no ton do discurso como no deseño do corpus plástico neste formato de álbum ilustrado ideado coa intención de divulgar aqueles aspectos máis relevantes de Luísa Villalta. A ilustradora Laura Suárez e o tándem creativo conformado por Beatriz Maceda e Eli Ríos, conseguen peneirar as precisas doses de información previa de maneira que calquera persoa que achegue a este libro será difícil que nela non medre o interese na figura polifacética de Villalta e, abofé, na súa obra poliédrica.

O violino de Luisa Santalices, Veronica GALAXIA EDITORIAL

O silencio apoderouse da Coruña. O vento e os reloxos enmudeceron. O mar, calmo, semella de chumbo. Non se oen nin as cantigas das redeiras na praia, nin as coplas dos mariñeiros nas tabernas antes de regresar á casa.A Música e a Poesía desapareceron para asombro e tristura de toda a veciñanza. A nena Luísa Villalta e o seu inseparable compañeiro, Violino, inician unha emocionante aventura percorrendo ruelas e recunchos da cidade para resolver o misterio e devolver á cidade a súa alegría e bulicio.

«Luísa Vilalta, melodía de palabras»MARÍA CANOSA, Xerais

Un achegamento, para un público novo mais non só, á biografía de Villalta e á súa obra, depositaria dunhas claves que cómpre saber explicar con efectividade. Sistematízase un percorrido que se estende desde os territorios da infancia e da esfera familiar, repara nos anos de formación académica, no seu compromiso social e no seu labor profesional, vinculado coa docencia. Deseña, asemade, os límites deses universos que fundiu esplendidamente nunha produción singular como son o da música e a palabra: trazos que a biógrafa revela con brillantez ao abrazar unha estrutura inspirada nun pentagrama á que, ademais, se une unha breve e ben representativa escolma poética.

Toda esta información atópase neste tríptico

A mestra Natalia xunto co alumnado do CEIP Manuel Villar Paramá fixo un material para conmemorar as letras galegas. Clica sobre a imaxe para acceder ao material. 

Actividades en formato PDF creadas pola nosa mestra Natalia: pulseiras, xogos de enlazar, debuxo para colorear de Luísa Villalda…

Banda deseñada sobre Luisa Villalta elaborado polos alumnos do CEIP Manuel Villar Paramá

Ademáis deixovos estés enlaces tan interesantes. Premede sobre a imaxe.
Seminario galán

O seminário galán recopila actividades sobre a biografía e obra de Luisa Villalta: Escolma de Textos, cartafol despregable , Cuestionario exposición, Marcapáxinas, Comecocos, Roda Xiratoria e Dez Poemas.

"Violino, Inglesas e o libro xigante"

Primavera das Letras, que acubillará unha historia sobre Luísa Villalta, "Violino, Inglesas e o libro xigante", que ten como narradores o violín da homenaxeada e a guitarra de Rosalía De Castro

O documental -Luísa Villalta: a rebelión da palabra.

Luísa Villalta: a rebelión da palabra: un documental, dirixido por Damián Varela Pastrana, consta de seis episodios nos que máis dunha vintena de voces trazan un retrato coral sobre a poeta. Os capítulos son:

• Capítulo 1. Antes da palabra, o son 
• Capítulo 2. Melodía 
• Capítulo 3. Harmonía 
• Capítulo 4. Silencio 
• Capítulo 5. Ruído. 
• Capítulo 6. Eco