Actividades para o 23 de abril: día do libro.

O Día do Libro: En 1995, a UNESCO proclamou o 23 de abril Día do Libro e dos Dereitos de Autor, data que coincide coa morte de Miguel de Cervantes e William Shakespeare.

En case todos os libros de texto dicíase que, por casualidade histórica, dous dos maiores xenios literarios da historia, Shakespeare e Cervantes, "morreron o mesmo día". Concretamente o 23 de abril de 1616.  Porén, non é certo que morresen o mesmo día. Resulta que, daquela, Inglaterra aínda utilizaba o antigo calendario xuliano, mentres que España xa pasara ao calendario gregoriano. Este calendario, creado polo papa Gregorio XIII en 1582, utilizaba unha medida do número de días dun ano, que é diferente do número de días do calendario xuliano. Este calendario foi implementado por Xulio César no ano 46 a.C. (antes de Cristo), introducindo os anos bisiestos4 (366 días ao ano) para axustarse ao feito de que a Terra non fai un número enteiro de revolucións nun ano. En realidade, un ano dura algo máis de 365 días .O calendario gregoriano é moito máis preciso que o xuliano, xa que co calendario xuliano produciuse un desaxuste de 11 minutos ao ano. Por iso, en 1582, o era xa de 10 días, e o equinoccio de marzo (primavera no hemisferio norte) tivo lugar o 11 de marzo, en lugar do 21.
Así, en 1616 hai un importante oco no reconto dos días reais entre Inglaterra e España. E por iso, cando en Inglaterra consta que Shakespeare morreu o 23 de abril de 1616, en realidade, segundo o calendario gregoriano morreu o 3 de maio dese ano. Ademais, recentemente descubriuse que Cervantes morreu un día antes, o 22 de abril de 1616, e o 23 de abril foi en realidade o día do seu enterro. As enciclopedias foron rectificando o vello erro e hoxe rexistran correctamente o 22 de abril como data real da morte do xenio da literatura en castelán.

Pero aínda que exista ese erro nas datas da morte destes dous grandes escritores,  que mellor data para dedicarlla ao Quixote. 

Estas son as actividades propostas para este día.

ACTIVIDADES PARA O DÍA DO LIBRO: 23 DE ABRIL DE 2024:

• CÓMIC DE DON QUIjOTE: Imos crear o noso propio cómic . Para elo o equipo de biblioteca creou este cómic mudo de Don Quijote. Clicando sobre a primeira imaxe pódese descargar o cómic.

O cómic ten os seguintes capítulos:

1. Don Quijote de la Mancha
2. Don Quijote, armado caballero
3. Un desafío nunca visto
4. La lamentable vuelta a casa 
5. La espantable aventura de los molinos de viento 
6. Lluvia de palos

Está baseado no libro "El Quijote contado a los niños" de Rosa Navarro Durán. Na biblioteca contamos con un lote grande deste clásico.

Texto de Rosa Navarro Durán e ilustracións de Francesc Rovira. Editorial Edebe. (200 páxinas). Esta historia cóntanos a vida dun home que amaba os libros medievais, e a partir deles, converteuse nun cabaleiro coñecido por todos. 

Tamén deixo o libro de Rosa Navarro en formato dixital.

Ademais deste libro na biblioteca contamos con unha coleción de Don Quijote variada. 

Tamén vos deixo outros enlaces sobre EL QUIJOTE que poden ser interesantes para a elaboración do cómic:

Video de Don Quixote para os máis pequenos.

Neste video encontaredes o Primeiro episodio da serie animada DON QUIXOTE DE LA MANCHA de 1979.

• Facer imáns coa máquina de chapas.
• Bibliopatio: Esta iniciativa nace coa idea de ofrecer un anaquiño da biblioteca no patio. Un dos nosos axudantes saca o carro de bibliopatio ao recreo cunha chea de libros entretidos que se poden ler nun pouco, que ocupan un recreo. Son libros viaxeiros porque cada día van e veñen sobre rodas e fannos gozar do pracer de ler baixo o sol. Durante a semana do 22 ao 26 de abril sairá o carro de bibliopatio ao recreo.