LECTURAS PARA NADAL

Aquí van unhas recomendacións lectoras para o tempo doce de Nadal

1. O CREBANOCES

Un álbum máxico do conto máis clásico do Nadal.
Para festexar o 10º aniversario de Bululú, recuperamos o noso primeiro álbum ilustrado nunha edición especial, revisada e renovada. María Canosa adapta o conto clásico de E. T. Amadeus Hoffmann, creando unha historia marabillosa e entrañable. David Pintor dá vida ao texto cunhas ilustracións cheas de fantasía e beleza, co seu particular e inimitable estilo artístico. Unha ocasión perfecta para coñecer o relato do Crebanoces e o Rei dos Ratos, un conto clásico entre os clásicos que inspirou o ballet máis famoso de todos os tempos.Un libro para atesourar.

2. Alva e Papá Noel: a conta atrás para o Nadal acaba de comezar

Un álbum ilustrado infantil (ou non) en formato advento para todo o mundo que adora o Nadal. A conta atrás para o Nadal acaba de comezar e na casa de Alva toda a familia se puxo cos preparativos para o seu mes favorito do ano.
No Polo Norte, na casa de Papá Noel, tamén! Queres saber como se prepara Papá Noel para a Noiteboa e para o Nadal? Queres participar neste advento contodos eles? O Nadal está en marcha, só nos faltas ti!

3. Un, dous, tres, Nadal é

Despois de “Un dous tres, que ves?” e “Un dous tres, vampiro ti es” Nadia Budde preséntanos unha nova proposta repleta de situacións disparatadas, xogos de palabras e rimas delirantes. Nesta ocasión, son os personaxes e obxectos asociados ao Nadal en diferentes culturas os protagonistas dos seus versos encadeados e cheos de ritmo: abetos, renos, elfos, bonecos de mazapán, Quebranoces, Papá Noel, os Reis Magos... Un álbum de singular formato que nos proporcionará diversión e aprendizaxe. Unha proposta para “cantar e contar” que axudará a desenvolver a imaxinación e a capacidade de comunicarse para prelectores e primeiros lectores.

4. APALEADOR VS PAPA NOEL. AS AVENTURAS DO APALPADOR

Nos misteriosos bosques do Courel están a acontecer cousas moi estrañas. Cando o elfo explorador Dintantalius decide pescudar o que ocorre, atópase coa axuda dunha rapaza chamada Noa. Ambos os dous emprenden unha fantástica viaxe na procura do gardián do bosque, un xigante coñecido como O Apalpador. Noa axiña descubrirá que aquela fraga esconde un mundo máxico como nunca puido imaxinar.

5. Canto de Nadal

Clásica novela de Charles Dickens, Canción de Nadal, ilustrada por Roberto Innocenti e traducida por Carlos Acevedo protagonizada polo avarento señor Scrooge e os xa célebres espíritos do Nadal Pasado, do Nadal Presente e do Nadal Futuro. Un cálido relato que nos convida a tomar en consideración as cousas que realmente teñen un gran valor na vida. Libro de Kalandraka para nenas e nenos a partir dos dez anos, sen dúbida, desde unha coidada perspectiva.

Achéganse datas moi especiais, e queremos compartir un clásico imprescindible: A Christmas Carol de Charles Dickens, ilustrado por Roberto Innocenti. Feliz lectura! Mira este vídeo sobre o libro elaborado por kalandraka.