Recomendacións lectoras de Samaín

A palabra Samaín provén da palabra celta Samhain, que na etimoloxía gaélica significa "fin do verán". Para os celtas, o Samaín supuxo o fin da colleita, a transición ao ano novo (que comezaba coa estación escura) e tamén a apertura ao outro mundo. Esta festa foi absorbida e transformada primeiro pola romanización e despois polo cristianismo, dando lugar ao Día de Todos os Santos e á Noite de Defuntos, tradicións que nos países anglosaxóns deron lugar á festa de Halloween (acrónimo de véspera de Todos os Santos). que significa “Véspera de Todos os Santos”). Unha celebración que se popularizou enormemente nos Estados Unidos e cuxa influencia cultural en Europa provocou o “retorno” dunha festa orixinada no vello continente.

Para este Samaín deixámosvos algunhas propostas de lectura.

3 a 5 anos

GRIPE MONSTRUOSA

Cando Monstro Grande colle a gripe monstruosa, Monstro Pequeno vaino visitar. Pero Monstro Grande é moi difícil de compracer cando está enfermo.

A BRUXA DIVERTIDA

Esta bruxa divertida chámase Rosalía, xoga de noite e dorme de día. Vive nun castelo encantado e viaxa polo mundo na súa vasoira voadora facendo e desfacendo feitizos e encantamentos. Ata que unha misteriosa voz interrompe a súa faena. Quen será?

Primeiros lectores

ASTRO RATO

Viaxa cos nosos heroes polos planetas máis estraños da galaxia, enfrontándose a ameazas tan terroríficas como o Monstro ciclópeo ou os habitantes do planeta Chiklon ou Patacator.

7 a 9 anos

MALVARINA

Coñece a MALVARINA, unha valente nena de nove anos desexosa de converterse en bruxa. Ela decide tomar o control do seu destino e visita ás tres bruxas que gobernan a súa cidade, temidas polos seus terroríficos feitizos.

MORTIÑA

Cando Mortiña sobe ao faiado na procura de disfraces para Halloween, atopa unha postal dos seus pais! Víraos por última vez cando saían para unha longa viaxe... pero nunca máis regresaron. Que sería deles? Para descubrilo terá que botar man de habilidades de detective e de moita imaxinación. Coa axuda de Tristeiro, o seu can fiel, de Dilbert e de todos os seus amigos e amigas, Mortiña seguirá as pegadas de mamá e papá... Pero, dará con eles? 

DIARIO ZOMBI

Ola! Son Jimmy e estou vivindo unha APOCALIPSE ZOMBI totalmente estraña! Todos os adultos da miña cidade de Vilacú convertéronse en zombis, pero non os zombis carnívoros como os que ves nas películas devorando cerebros. Estes zombis son VACAS! Literalmente!

Aquí vos deixo o tríptico das lecturas de Samaín.