Proposta lectora polo 8 de marzo

Co gallo do 8 de marzo, Día Internacional da Muller, desde a biblioteca elaboramos un tríptico de recomendacións lectoras en lingua galega centrado en mulleres científicas, creadoras e profesionais. A nosa intención foi ofrecer referentes positivos para nenas e nenos de 3 a 12 anos, visibilizando historias que amplían horizontes e rompen estereotipos.

A continuación presentamos os títulos seleccionados.

3–6 anos: Soñar sen límites

A  Ramona pequena vai á Lúa

Ramona é unha nena soñadora que viaxa coa imaxinación ata a Lúa. Un álbum que reforza a autoestima e anima ás pequenas lectoras a pensar en grande e a explorar o mundo sen límites.

Pakolas; il. Laura Romero.

Vigo: Editorial Galaxia, 2024.

ISBN 978-84-1176-008-9.

 6–8 anos: Arte, ciencia e inventos

A fotógrafa Perpetua

Perpetua ama a súa profesión: é fotógrafa. Este álbum visibiliza unha muller cun oficio artístico e creativo, presentando a profesión como espazo de expresión, sensibilidade e talento.

Sendón, Olaia.

Vigo: Edicións Xerais de Galicia, 2024.

ISBN 978-84-1110-335-0.

Experciencia

Un libro cheo de experimentos sinxelos para descubrir a ciencia de maneira práctica e divertida. Ideal para espertar a curiosidade científica e fomentar vocacións STEM desde Primaria.

Canosa, María.

Santiago de Compostela: Edicións do Cumio, 2017.

ISBN 978-84-8289-769-1.

A incrible viaxe de Antía ao cerebro humano

Antía visita un instituto de investigación e descobre como funciona o cerebro. A historia combina ficción e divulgación científica, achegando a neurociencia ao público infantil.

Rivas Ramírez, Paula.

Vigo: Edicións Xerais de Galicia, 2024.

ISBN 978-84-1110-256-8.

10–12 anos

Mulleres que abriron camiño

Estrelas galegas da ciencia: unha historia de persoeiros e de achados asombrosos

Un percorrido pola ciencia feita en Galicia e polas persoas que contribuíron aos seus avances, visibilizando tamén o papel das mulleres no desenvolvemento científico.

Vence, Maite; Vicente, Manuel; il. Clara Cerviño.

A Coruña: Hércules Ediciones, 2023.

ISBN 978-84-19754-07-3.

O triángulo vermello

A vida de Mercedes Núñez, política republicana e activista. Un exemplo de compromiso público e responsabilidade social contado para público novo.

Vidal, Carme; Iglesias Núñez, Pablo; il. Belén Diz Juncal.

Vigo: Edicións Xerais de Galicia, 2025.

ISBN 978-84-1110-208-7.

As terapias da doutora Ledicia

Unha médica protagonista que exerce a súa profesión con humanidade e empatía. Unha maneira próxima de visibilizar o papel das mulleres no ámbito sanitario.

Castro, Raquel.

Vigo: Editorial Galaxia, 2020.

ISBN 978-84-9151-834-1.

A igualdade tamén se constrúe lendo

A través destas historias, nenas e nenos poden descubrir que a ciencia, a arte, a medicina, a investigación ou o compromiso social non teñen xénero. Os libros amplían horizontes, crean referentes e axudan a construír unha mirada máis xusta e inclusiva.

Porque cada historia conta.

E porque cada nena pode ser o que queira chegar a ser.