Novo Podcast sobre ‘Carabuñas’

Na nosa Biblioteca do Souto seguimos a enredar con historias que deixan pegada. Esta vez traémosvos unha nova que nos fai especial ilusión: estreamos un novo episodio do noso podcast dedicado ao álbum ilustrado en galego “Carabuñas”, de Margarita del Mazo, con ilustracións de Charlotte Pardi, publicado por OQO Editora no ano 2012. Trátase dun conto cheo de humor, algo de medo do bo e unha boa dose de maxia desas que enchen as aulas de conversa.

Areferencia completa do libro, por se a queredes anotar, é esta:

• Margarita del Mazo (texto), 
• Charlotte Pardi (ilustracións). 
• . OQO 
• Editora, colección O, 
• 2012. 40 páxinas. 
• ISBN 978-84-9871-419-7. 
• 

En “Carabuñas” coñecemos un bruxo un pouco particular, o que nunca corta as uñas, e unha nena moi espelida, Branca. O que parece ao principio unha noite de medo convértese nunha historia sobre a intelixencia, o enxeño e a capacidade de darlle a volta ás situacións máis complicadas. O libro está pensado para nenos e nenas de Infantil e primeiros cursos de Primaria, ideal para falar dos medos, da imaxinación e das amizades inesperadas.

Na nosa biblioteca escolar temos moi claro que ler non é só pasar páxinas: tamén é escoitar, imaxinar, compartir e falar despois do que se escoita. Con este podcast de “Carabuñas” queremos seguir fortalecendo o vínculo coa lingua galega como lingua de fantasía, de humor e de afectos.

Para quen queira afondar máis no libro na web, deixamos aquí algúns recursos útiles que se poden abrir directamente:

• Ficha oficial de “Carabuñas” en OQO Editor
•  Actividades didácticas en PDF sobre Carabuñas (Xunta de Galicia)
• Vídeo do conto Carabuñas narrado en galego (YouTube)

Agora tócache a ti e á túa familia poñer a orella. Animámosvos a escoitar o novo episodio do podcast de “Carabuñas” a través do blog da biblioteca e dos espazos dixitais habituais do centro: na casa, na aula ou onde máis vos apeteza. Deixade que a voz vos acompañen un anaco do día e que a historia abra conversas, risas e algunha que outra reflexión.