Lecturas de verán

A carón da piscina, mirando o mar, na montaña, na casa, o que máis me apetece é ler libros.

Aquí vos deixo algunhas recomendacións:

1. El hilo invisible de Miriam Tirado

Nura descubriu o segredo que garda o embigo: un fío invisible que a une a todas as persoas que máis quere, como a súa nai, o seu pai, os seus avós ou os seus amigos. Nunca volverá ter medo cando non estean con ela, porque grazas ao fío estarán conectados para sempre!

2. A VISITA de Núria Figueras | Anna Font

Un álbum orixinal que nos anima a gozar da soidade e do silencio. Unha proposta necesaria nunha sociedade saturada de “ruído”.

3. OS WINKLE: MÁIS FINOS CA UN ALLO de Iván R.

Unhas ilustracións espectaculares introdúcenos nunha historia protagonizada por unha familia NADA CONVENCIONAL. "Este son eu, Peter Winkle, fillo, neto e bisneto de moitos Winkle diferentes: Winkle perruqueiros, Winkle panadeiros, Winkle carteiros e ate un Winkle trapecistas."

4. 12 cosas por vivir antes de hacerte mayor de Teresa Franquesa

Probaches a voar un papaventos na praia ou nun outeiro? Gustaríache construír unha cabana no bosque? Sae de casa e vive a natureza coas 12 propostas deste libro. Inclúe un cartel do calendario e unha carta para adultos.

5. AMELIA FANG de Laura Ellen Anderson Traducido por Eva Almazán

Serie xuvenil de Contos sobre Amelia Fang . Benvido ao mundo de Nocturnia, onde reina a escuridade, o brillo é terrorífico e os unicornios son a causa dos pesadelos. Únete a Amelia nesta monstruosa aventura... e aínda que é unha vampira, non morde! Ten varios títulos: 

• Amelia Fang e o Baile Barbárico
• Amelia Fang e os señores unicornio 
• Amelia Fang e o ladrón de lembranzas 
• Amelia Fang e as vacacións da media lúa

6. O libro anti- aburrimiento de Andy Seed

Aviso! Este libro cura calquera tipo de aburrimento! É o libro perfecto se tes que facer unha viaxe longa, ou queres ter moitas ideas para compartir cos teus amigos ou familiares. As súas páxinas están cheas de chistes, xogos de palabras...e moitas outras propostas e afeccións! Entón, esperta a túa imaxinación e prepárate para pasar horas e horas de diversión cos teus amigos ou familiares. Nunca máis te aburrirás!

7. Heartstopper. Rapaz coñece rapaz

Únete ao fenómeno que inspirou a serie de Netflix. Dous rapaces reúnense. Fanse amigos. Namóranse. Por que insistimos en complicar as emocións máis sinxelas? Esta historia de amor entre dous rapaces, un deles declarado homosexual e outro en proceso de autodescubrimento, recordaranos que hai primeiros amores fráxiles como o cristal e memorables como o diamante. Coas vacilacións propias de calquera amor adolescente, Heartstopper responde ao xeito de sentir os mozos reais, cunha visión aberta, natural e sensible do amor e da identidade sexual, sen perder nunca a delicadeza e a emoción.

8. Me llamó Goa de Miriam Tirado

Xa está aquí Goa, a serie que enganchou a máis de 35.000 lectores! Goa é unha adolescente que acaba de cumprir 12 anos e ve a súa vida dar un xiro inesperado. ten 4 títulos:

• Chámome Goa 
• Que forte, Goa! 2 
• Oh My Goa! 3 
• Go, Go, Goa! 4