Hoxe, martes 23 de abril de 2024, é o día do libro. Como xa comantamos en outras ocasións este día foi proclamado en 1995 pola UNESCO por ser a data que coincide coa morte de Miguel de Cervantes e William Shakespeare.
En case todos os libros de texto dicíase que, por casualidade histórica, dous dos maiores xenios literarios da historia, Shakespeare e Cervantes, "morreron o mesmo día". Concretamente o 23 de abril de 1616. Porén, non é certo que morresen o mesmo día. Resulta que, daquela, Inglaterra aínda utilizaba o antigo calendario xuliano, mentres que España xa pasara ao calendario gregoriano. Este calendario, creado polo papa Gregorio XIII en 1582, utilizaba unha medida do número de días dun ano, que é diferente do número de días do calendario xuliano. Este calendario foi implementado por Xulio César no ano 46 a.C. (antes de Cristo), introducindo os anos bisiestos4 (366 días ao ano) para axustarse ao feito de que a Terra non fai un número enteiro de revolucións nun ano. En realidade, un ano dura algo máis de 365 días .O calendario gregoriano é moito máis preciso que o xuliano, xa que co calendario xuliano produciuse un desaxuste de 11 minutos ao ano. Por iso, en 1582, o era xa de 10 días, e o equinoccio de marzo (primavera no hemisferio norte) tivo lugar o 11 de marzo, en lugar do 21.
Así, en 1616 hai un importante oco no reconto dos días reais entre Inglaterra e España. E por iso, cando en Inglaterra consta que Shakespeare morreu o 23 de abril de 1616, en realidade, segundo o calendario gregoriano morreu o 3 de maio dese ano. Ademais, recentemente descubriuse que Cervantes morreu un día antes, o 22 de abril de 1616, e o 23 de abril foi en realidade o día do seu enterro. As enciclopedias foron rectificando o vello erro e hoxe rexistran correctamente o 22 de abril como data real da morte do xenio da literatura en castelán.
Así, en 1616 hai un importante oco no reconto dos días reais entre Inglaterra e España. E por iso, cando en Inglaterra consta que Shakespeare morreu o 23 de abril de 1616, en realidade, segundo o calendario gregoriano morreu o 3 de maio dese ano. Ademais, recentemente descubriuse que Cervantes morreu un día antes, o 22 de abril de 1616, e o 23 de abril foi en realidade o día do seu enterro. As enciclopedias foron rectificando o vello erro e hoxe rexistran correctamente o 22 de abril como data real da morte do xenio da literatura en castelán.
Este día conmemorámolo coas seguintes actividades:
Bibliopatio
Apadriñamento e amadriñamento lector
Elaboración de imáns de Don Quixote
Lectura do CÓMIC elaborado por nós do super heroe DON QUIXOTE
Comentarios
Publicar un comentario